Kush mban, konsumon apo shet droga, kryen një vepër penale. Për shitjen e alkoolit dhe të duhanit ekzistojnë kufij moshe.
Mbajtja, shitja apo konsumimi i drogave ilegale është vepër penale. Kjo vlen edhe për sasi të vogla. Cilat substanca janë ilegale, kjo është e rregulluar në ligjin për lëndë narkotike (Betäubungsmittelgesetz). Shitja e drogës në mënyrë profesionale ndëshkohet me dënime të larta.
Për shitjen e alkoolit dhe duhanit ka kufizime moshe. Në kantonin Basel-Stadt, duhani dhe pijet alkoolike nuk lejohen t'u shiten të rinjve nën 16 vjeç. Për pije të caktuara alkoolike siç janë pijet e forta alkoolike, kufiri në moshë qëndron te 18 vjeç.
Ndalimi i pirjes të duhanit në Zvicër është i rregulluar ndryshe në varësi të kantonit. Kantoni Basel-Stadt mbështetet në ligjin e konfederatës për mbrojtjen nga pirja pasive e duhanit dhe në ligjin kantonal i hotelerisë. Ndalim i pirjes të duhanit vlen në:
Se a është e lejuar të pihet duhan në restorant, varet nga madhësia e restorantit. Në disa restorante ka dhoma të ndara për pirjen e duhanit.
