አልኮል/ ትምባሆ /አደንዛዥ ዕጽ

በሕግ ያልተፈቀደ አደንዛዥ ዕጽ ይዞ መገኘት፣ መሸጥና መጠቀም በሕግ ያስቀጣል። አነስተኛ መጠን ቢሆንም እንኳን ያስቀጣል። የትኞቹ ንጥረ ነገሮች ሕገ-ወጥ እንደሆኑ በአደንዛዥ ዕጽ ሕግ (Betäubungsmittelgesetz) ላይ ተደንግጓል። በንግድ መልክ አደንዛዥ ዕጽ መሸጥ ከፍተኛ ቅጣት ያስቀጣል።

አልኮል እና ትምባሆ ለመገበያየት የዕድሜ ገደብ አለው። የትንባሆ ውጤቶችን እና አልኮላዊ መጠጦችን Basel-Stadt ካንቶን ውስጥ ለልጆች እና ዕድሜያቸው ከ16 ዓመት በታች ለሆናቸው ወጣቶች መሸጥ ክልክል ነው። አንዳንድ እንደ ስፕሪቶዘ /Spirituosen/ ያሉ አልኮላዊ መጠጦች ለነዚህ ዓይነት መጠጦች የዕድሜ ገደቡ 18 ዓመት ነው።

ስዊዘርላንድ ውስጥ ያሉ ካንቶኖች የማጨስ እገዳን በሚመለክት የተለያየ ሕግ አላቸው። የካንቶን Basel-Stadt የማያጨሱ ሰዎችን ደህንንነት ለመከላከል ሲባል፣ እገዳው በፌደራላዊ ሕግና በካንቶኑ የመስተንግዶ ሕግ / Gastgewerbegesetz/ ላይ የተመሰረተ ነው።

ማጨስ የተከለከለባቸው ቦታዎች፣

• ለህዝብ ክፍት የሆኑ ቦታዎች፣ ህዝብ በሚበዙበት ቦታዎች (የህክምና ቦታዎች፣ የአስተዳደር ጽ/ቤቶች፣ ት/ቤቶች፣ ሙዚየሞች፣ ሲኒማ ቤቶች፣ ቲያትር ቤቶች፣ ባቡሮች እና አውቶቡሶች፣ ሱቆች እና የገበያ ማዕከሎች).
• በአንድ ላይ በጣም ብዙ ሰዎች የሚሰሩባቸው ቦታዎች፣

ሪስቶራንት ውስጥ ማጨስ መቻሉ ወይም አለመቻሉ፣ የሪስቶራንቱ ትልቅነት ነው የሚወስነው። አንዳንድ ሪስቶራንቶች ለሲጋራ አጫሾች የተለየ የማጨሻ ክፍሎችና ቦታዎች አላቸው።